பரபரப்பாக எதிர்பார்க்கப்படும் படம்!!-ஏஞ்செல்ஸ் & டெமான்!!

டான் பிரவுன் எழுதிய டா வின்சி கோடு, ஏஞ்சல்ஸ் அன்ட் டீமென்ஸ் ஆகியவை பிரசித்திபெற்றவை. இவற்றில் ஏஞ்சல்ஸ் அன்ட் டீமென்ஸ் தற்போது திரைப்படமாக வெளிவருகிறது! நாவலின் அதே பெயரிலேயே படமும் எடுக்கிறார்கள்!! ”ஏஞ்சல்ஸ் அண்ட் டெமான்ஸ் (Angels and Demons)” டாவின்சி கோடில் நடக்கும் சம்பவங்களுக்கு முந்தைய பகுதியாகும்(Prequel). இப்புத்தகத்தின் கதாநாயகனும், அதே ராபர்ட் லாங்டன்.

கதை:குறியீடுகள் துறையில் (Symbology) பேராசிரியராக இருக்கும் லாங்டனுக்கு, ஒரு நாள் அதிகாலையில் செர்ன் என்ற அறிவியல் அறிஞர் போன் செய்கிறார். அவர் ஆய்வகத்தில் ஒரு கொலை நடந்ததையும் அதற்கு உதவுமாரும் கோருகிறார்.

பிரேதத்தின் நெஞ்சில் ரகசிய குறியீடு கண்டு அதிர்ச்சி அடைகிறார் லாங்டனுக்கு!

அந்தக் குறியீடு, கிறித்தவ தேவாலயங்களுக்கு எதிரானவர்கள் என்று கருதப்படும் அமைப்பான இல்லுமினாட்டி (Illuminaatti)-யைச் சார்ந்தது. அழிந்து போனதாகக் கருதப்பட்ட இவர்களில் ஒருவன் தற்போது முளைத்திருப்பது மிகுந்த குழப்பத்தை ஏற்படுத்துகிறது லாங்க்டனுக்கு!!

லாங்க்டன் உடனே செர்ன் ஆய்வகத்துக்கு விரைகிறார்!ஆன்ட்டி மேட்டர் (anti-matter) என்ற செர்ன்-ன் முக்கியமான விஞ்ஞானி (கொலை செய்யப்பட்டவர்) கண்டுபிடித்த பொருள் இருக்கும் கானிஸ்டரும் (Canister) காணாமல் போயிருக்கிறது. மிகுந்த ஆபத்தானது இந்தப்பொருள்!!

அதே சமயம் வாடிகனில் இப்பொருள் மறைத்து வைக்கப்பட்டு இருப்பதாகத்தகவல் வர செர்ன் அங்கு போகிறார்!!24 மணி நேரத்தில் இது வெடிக்கும் என்ற அதிர்ச்சி தகவலும் கிடைக்கிறது! லாங்க்டனும், அதை வடிவமைத்த விஞ்ஞானி மகள் வெட்டோரியாவும்கூட வாடிகன் செல்கின்றனர்.

வாடிகனில் போப்பைத் தேர்ந்தெடுக்கும் சடங்கு நடந்துகொண்டு இருக்கிறது.இதற்காக கார்டினல்கள் உலகம் முழுவதிலிருந்து வந்துள்ளனர்! அதிர்ச்சியாக மணிக்கொருவர்வீதம் நான்கு கார்டினல்கள் கடத்தப்பட்டு கொலைசெய்யப்படுகிறார்கள்!!

ஏஞ்செல்ஸ் &டெமான்ஸ் என்று கீழே எழுதி இருக்கும் முறை கொஞ்சம் வித்தியாசமானது! எப்படியென்றால் இதை தலைகீழாக திருப்பிப் படித்தாலும் ஏஞ்செல்ஸ் &டெமான் என்றே வரும்!!

இப்படி எழுதுவதை ஆம்பிகிராம்ஸ் என்று அழைப்பார்கள்!!

நான்கு கார்டினல்களில்

ஒருவரின் உடலில் earth
மற்றொருவரின் உடலில் air
மற்றொருவரின் உடலில் fire
மற்றொருவரின் உடலில் water
என்று எழுதப்பட்டு இருக்கும்!! அதுவும் ஏஞ்செல்ஸ் & டெமான் எழுதியுள்ள முறையிலேயே!!

கொலையாளி யார் என்று துப்பறிவதே கதை!! இந்தக்கதையையும் கத்தோலிக்க பாதிரிகள் கண்டனம் செய்துள்ளனர்!

இதில் டாம் ஹான்க்ஸ் நடித்து உள்ளார். மே 15 அன்று இந்தப்படம் திரைக்கு வர்கிறது!!இந்தப்படத்தின் பிரிமியர் 5 மே 2009 அன்று ரோமில் நடந்துள்ளது!!மிகவும் பரபரப்பாகப் பேசப்படும் இப்படம் உலக ரசிகர்களிடம் மிகுந்த எதிர்பார்ப்பை எற்படுத்தியுள்ளது!!படத்தைப்பார்க்க தயாராவோம் நாமும்!!

படத்தின் ட்ரைலரைப்பார்க்கவும்:

ANGELS & DEMONS: Movie Trailer - The best video clips are right here

மாரடைப்பைத் தடுக்க-2

அன்பின் வலை நண்பர்களே!!

ஏற்கெனவே மாரடைப்பைத்தடுக்க என்று ஒரு பதிவு இட்டிருந்தேன்!!

மாரடைப்பைப்பற்றி  எழுதவேண்டியது நிறைய உள்ளது!!  மாரடைப்பைத்தடுக்கும் சில வழிமுறைகளை இந்தப்பதிவில் பார்ப்போம்!!

வயதானவர்களுக்கோ மற்றும் பரம்பரையாகவோ வரும் இதயக்கோளாறுகள் கட்டுப்படுத்த முடியாததாக இருப்பினும்(இவர்களுக்கு சிறப்பு சிகிச்சை உள்ளது), பொதுவாக மாரடைப்பை எப்படித்தடுக்கலாம் என்று பார்ப்போம்!!

கொழுப்புச்சத்து அளவையும், இரத்த அழுத்த அளவையும் குறைப்பதன்மூலம் மாரடைப்பு வருவதைக்குறைக்கலாம்!!

சாதாரணமாக 120/80 என்பதே சரியான இரத்த அழுத்தம்!! ஆயினும் வயதாக வயதாக இதில் உள்ள 120 என்ற அழுத்தம் 130 வரை செல்லலாம்! தமிழ்நாடு அரசு 130/ 90 என்ற குறியீட்டை இரத்த அழுத்த ஆரம்பக்குறியீடாகக்கொள்ள அறிவுறுத்தியுள்ளது!!

கொழுப்புச்சத்து என்று எடுத்துக்கொண்டால் அதில் உள்ள நல்ல கொழுப்பு,கெட்ட கொழுப்பு ஆகியவற்றை கணக்கில் கொள்ள வேண்டும்!!

LDL (Low Density Lipoprotein)- எல்.டி.எல் எனப்படும் கொழுப்பு அதிகமிருப்பது ஆபத்து!இதனைக்குறைக்கவேண்டும்!!

HDL (High Density Lipoproteins) எனப்படும் கொழுப்பு இதயத்துக்கு நல்லது. ஆகையால் இது குறையக்கூடாது!!

உடல் பருமன் - உடல் பருமன் சரியான அளவில் இருப்பது மிக முக்கியம்!! முக்கியமாக இடுப்பளவைக்குறைப்பது அவசியம்!! ஆண்களுக்கு 40 அங்குலமும்,பெண்களுக்கு 35 அங்குலமும் இருப்பதே சிறந்தது!!

சில உணவுகள் நம்மை மாரடைப்பிலிருந்து காக்கும். எடுத்துக்காட்டாக:

மீன் உணவு வாரம் 2 முறை எடுத்துக்கொள்வது 36% மாரடைப்பைக் குறைக்குமாம்! அதேபோல பழங்களும், காய்களும் தினமும் அதிகம் சேர்த்துக்கொள்வது 30% மாரடைப்பைத்தடுக்குமாம்!!

1.உடற்பயிற்சி: உடற்பயிற்சியின் அவசியத்தை நான் சொல்லத்தேவையில்லை!! இதைப்பற்றிய விழிப்புணர்வு அதிகமாகவே உள்ளது!! தினமும் நடைப்பயிற்சி மிக அவசியம்!! ஆயினும் கடினமான பயிற்சிகளை முதலில் தொடங்கும்முன் உடல் பரிசோதனை அவசியம்!! ஏற்கெனவே இதயநோய் கண்டறியப்படாமல் இருந்தால் கடினமான பயிற்சிகள் மேலும் சிக்கலை உண்டாக்கும்!!

2.உணவு: உடலுக்குகந்த உணவுகளை உணவுகளை உண்பது மிக அவசிய!! சீஸ், வெண்ணெய்,கொழுப்புக்கறி,ஆகியவற்றை குறத்துக்கொள்ள வேண்டும்!! ஆலிவ் எண்ணெய்,மீன் எண்ணை,ஆகியவற்றை சேர்த்துக்கொள்வது சிறந்தது!

ஆண்டி ஆக்ஸிடன்ட்ஸ் எனப்படும் பொருள் சில உணவுவகைகளில் அதிகம் காணப்படுகின்றன!! இவையும் அதிகம் உணவில் இருக்க வேண்டும்!! கீழே சில ஆன்டிஆக்ஸிடனடுகள்:

1.விட்டமின் ஏ-கேரட்,தக்காளி, இன்னபிற பழங்களும்,காய்களும்!,

2.விட்டமின் சி-கொட்டைகள், முழுதானியங்கள், பச்சைக்காய்கள்,தாவர எண்ணைகள்!

3.செலினியம்-- மீன்,முட்டை,கோழி,பூண்டு,தானியங்கள்!!

4.ஃப்ளேவனாய்ட்ஸ்-Flavonoids / polyphenols-சிகப்பு ஒயின்,சோயா, கருப்பு திராட்ச்சை,மாதுளை, டீ!!

5.லைகோபீன் Lycopene--தக்காளி,தர்பூசணி,பின்க் நிற திராட்ச்சை

6.லூடின் Lutein---கரும்பச்சை காய்கறிகள்,கீரைகள்

7.லிக்னான் Lignan---ஓட்ஸ், பார்லி,ரை.

8.விட்டமின் போன்றவை--கோஎன்சைம்Q10,குளுடதோன்

எவ்வளவு சிறப்பான உணவாயினும் அதனை அளவுக்கு அதிகமாக உண்ணுதல் கூடாது!

3.புகைபிடித்தல்:புகைபிடித்தல் மிகவும் ஆபத்தானது! இதனால் மாரடைப்பு வரும் சந்தர்ப்பம் அதிகமாகிறது!! 40 வயதுக்குள் உள்ளோரில் புகை பிடிப்பவர்களுக்கு 5 மடங்கு மாரடைப்பு வரும் வாய்ப்புள்ளதாம்!! மாரடைப்பு வருபவர்களில் 80% பேர் புகைபிடிப்பவர்கள்!! சிகரெட் ரத்தக்குழாய்களையும் இதயத்தையும் சேதப்படுத்துவதே இதற்கு காரணம்!! சிகரெட் புகையில் 4000 நச்சுப்பொருட்கள் இருக்கின்றனவாம்!! புகைப்பதை விட்டுவிடுவோமா? எப்படி புகைப்பதை நிறுத்துவது என்பதற்கு இன்னொரு பதிவு போடவேண்டும்!!

4.மன அழுத்தம்!! - இன்றைய உலகில் ஒவ்வொருவருக்கும் பலவிதமான காரணங்களால் மன அழுத்தம் ஏற்படுகிறது!! பல பேர் இதனை உணர்வதில்லை!! அப்படியே தெரிந்தாலும் அது ஒரு பெரிய விசயம் என்று எடுத்துக்கொள்வதில்லை!!மன அழுத்தம் இதயத்துடிப்பை அதிகரிக்கும்! இரத்தக்குழாய்களையும் பாதிக்கும்!!தொடர்ந்து மனஅழுத்தம் இருந்தால் அட்ரீனலின்,கார்டிசால் போன்ற சுரப்புகள் அதிகமாகும். இரத்தம் உறைந்து சிறு பந்துபோல் கெட்டிப்பட்டு மாரடைப்பு ஏற்படும் வாய்ப்புகள் அதிகமாகிறதாம்!! மன அழுத்தத்தை குறைப்பது மிக எளிது!! கொஞ்சம் ஓய்வும், மூச்சுப் பயிர்சியும் போதும் மன அழுத்தம் மிகவும் குறைந்துவிடும்!! சரிதானா!!

5.இது ரொம்ப முக்கியம்!! மருத்துவப்பரிசோதனை தவறாமல் செய்துகொள்ளவேண்டும்!! உங்கள் எடை,இரத்த அழுத்தம்,கொழுப்பின் அளவு ஆகியவற்றை அடிக்கடி அவரவர் உடல் தன்மைக்கு ஏற்ப தெரிந்துகொள்ள வேண்டும்!! உங்கள் தினசரி வாழ்க்கை மற்றும் வேலையின் தன்மை ஆகியவற்றையும் உங்கள் உடல் நலத்தோடு அலசிப்பார்ப்பது மிக அவசியம்!!

இன்னும் இனிப்புநோய்,மற்றும் இன்னபிற நோய்களும் மாரடைப்பை உண்டாக்கும்!! அவற்றை விரிவாக பின்னர் பார்க்கலாம்!!

--------------------------------------------------

பதிவு உபயோகமாக இருந்தால் தமிழ்மணம் தமிலிஷில் குத்துங்க வாக்கை!!