காதலில் இருப்பதைக் கண்டு பிடிப்பது எப்படி!

நீங்கள் காதலில் இருப்பதைக் கண்டு கொள்வது எப்படி?  எல்லோரும் இந்த தலைப்பில் நிறைய எழுதி இருப்பாங்க!!! நானும் அந்த வரிசையில் சேர்ந்து கொள்கிறேன்! படித்துப்பாருங்கள்.

1.அந்த முக்கியமான நபருடன் இருக்கும்போது அவரைக்கண்டுகொள்ளாததுபோல் இருக்கிறீர்களா? அவர் இல்லாதபோது அவரை உங்கள் கண்கள் தேடுகிறதா? அப்படியாயின் காதல் ஆரம்பிக்கப்பார்க்குதுங்க!

2.உங்க கிட்டதான் இவ்வளவு பேசுகிறேன்! வேற யாருக்கிட்டயும் நான் பேசிப்பழக்கம் இல்லைன்னு சொல்கிறாரா?... ரூட் ஆரம்பமாகுதுங்கோ!!!

3.நண்பர்கள் கூட்டத்தில் உங்களை சிரிக்க வைக்க மாறிமாறி ஜோக்கா அடிப்பானுங்க. அதையெல்லாம் கண்டுக்காம ஒரு ஆசாமியையே நோட்டம் விடுகிறீர்களா? மேட்டர ஆரம்பிக்கவேண்டியதுதான்!!

4.வெளியூர் போனவன்/ள் வந்து சேர்ந்துவிட்டேன் என்று போன் பண்ணவில்லை, போன் மணியோ அடிக்கவே இல்லை. வேலைவெட்டிக்கு சாக்கு சொல்லிட்டு போன் பக்கத்திலேயே காத்துக்கிட்டு இருக்கீங்களா? போன் வருதோ இல்லையோ! காதல் வந்து விட்டதுங்கோ!!

5.பேசிக்கொண்டு இருக்கும்போது உங்கள் நண்பி/ நண்பருடன் உங்கள் நபர் அதிக கடலை வறுப்பதைக் கண்டு உங்கள் மனம் கொதிக்கிறதா?

6.அந்த நபருடன் பேசும் போது உங்கள் இருவர் கண்களும் சந்தித்தால் ஷாக் அடிப்பதுபோல் இருக்கா!! காதல் கரண்டுதான் அது!! 6.பேசிக்கொண்டிருக்கும் போதே உங்கள் கைக்கடிகாரம் மிக வேகமாக ஓடுவது போல் தெரியுதா!! (காதல் முனி ஓட்டாம்தான் அது!!)

7.பெரிய பெரிய ஈமெயிலெல்லாம் கண்டுக்காம அந்த நபர் அனுப்பிய சின்ன ஈமெயில் பார்க்கப் பார்க்க ஆனந்தமா இருக்கா!!!அப்புறம் என்ன! அதுதான்!

8.அந்த ஈமெயிலை அழிக்க விரும்பாத காரணத்தை மறைக்க எல்லா ஈமெயிகளையும் அழிக்காமல் வைத்திருக்கிறீர்களா?

9.ஏதாவது புதுப்படத்துக்கு டிக்கெட் இலவசமாகக் கிடைத்தால் அந்த நபரின் ஞாபகம் வருகிறதா... வந்தாலே அதுதாங்கோ!!

10.உங்கள் மனதுக்கே நீங்க அல்வா குடுக்கிற கணக்கா “ நாங்கள் ரெண்டுபேரும் சாதாரண நண்பர்கள்தான்”னு உங்க மனசுக்கு சமாதானம் சொல்லுவீங்க. ஆனாலும் உங்க ரெண்டுபேருக்கும் நடுவில் அதுக்கும் மேலே ஏதாவது ஒன்னு ஓடுதா?..... ஓகே! ஓகே!!

காதலைப் பற்றி எழுதிக்கொண்டே போகலாம். அதற்கு பிளாகரே பத்தாது. ஆகையினால் இத்துடன் நான் முடித்துக் கொள்கிறேன்!!

நீங்க ஆரம்பிங்க!!!

பிளாகர் விடுதலை!

நாமெல்லாம் சுதந்திரமாக பிளாகரை உபயோகப்படுத்துகிறோம். வீட்டு விசயத்திலிருந்து நாட்டு விசயம்வரை அக்குவேறு ஆணிவேராக அலசுகிறோம். இது போல் எல்லா நாடுகளிலும் செய்ய முடிவதில்லை. 

அடக்குமுறை பிரயோகிக்கப்படும் நாடுகளிலெல்லாம் பிளாகர்கள் அதை எதிர்த்து தைரியமாக பிளாகில் எழுதுகிறார்கள். அதனால் உலகின் பல நாடுகளிலும் பிளாகர்கள் கைது செய்து சிறையிலடைக்கப்படுவது நடந்து வருகிறது.

வியெட்னாமில் ஹியூ என்ற  பிளாகர் அந்த நாட்டு அரசு  சீனாவுடனும், கத்தோலிக்கக் கோவிலுடனும் சரியான  உறவு கடைப் பிடிக்கவில்லை என்று தனது பிளாகில் எழுதியதற்காகக் கைது செய்யப்பட்டார். ஒருவாரம் சிறையிலடைக்கப்பட்ட அவர் த்ற்போது விடுதலை செய்யப்பட்டார்.

ஹியூ Hieu -Wind Trader,Nguoi Buon Gio என்ற பெயரில் பிளாக் எழுதுகிறார். வியட்னாமின் பிரபல பிளாகர்களில் இவரும் ஒருவர். அவரை ஆகஸ் 27 அன்று போலீசார் கைது செய்தனர். சுதந்திரத்துக்கும் மக்களாட்சிக்கும் ஊறு விளைவிக்கும் வகையில் எழுதிவிட்டாராம்!

Hieu-   கடந்த பத்து நாடகளில் கைது செய்யப்பட்ட மூவரில் ஒருவர்!

பிளாகர் ஒரு பலம் மிகுந்த சமூக தொடர்பு சாதனம். ”சிட்டிசன் ஜர்னலிசம்” என்று அழைக்கப்படும் இதில் பொதுமக்களின் ஒட்டுமொத்தக் கருத்துக்களும் பகிர்ந்து கொள்ளப்படுகின்றன. கடந்த வருடம் கைதுசெய்யப்பட்ட ஜர்னலிஸ்ட்& பிளாகரின் எண்ணிக்கை ரிப்போர்ட்டர்களின் எண்ணிக்கையைவிட அதிகம்( உலகம் முழுக்க!).

  Committee to Protect Journalists (CPJ) அமைப்பு உடனடியாக வியட்னாமிய பிளாகரை விடுதலை செய்ய வேண்டும் என்று கோரிக்கை விடுத்துள்ளது!

அமெரிக்கத் தூதர் மிக்கேல் மிஷால்க் Michael Michalak வியட்னாமின் இந்தப்போக்கைக் கண்டித்துள்ளார்.

பிளாகர்களைப் பாதுகாக்க உள்ள  அமைப்பு வியட்னாமில் பிளாக்க்கர்களின் மேல் அடக்குமுறை பிரயோகிக்கப்பட்டாலும் பிளாகர்கள் குறையவில்லை. மாறாக அவர்களின் வலிமையும் எண்ணிக்கையும் பெருகிக்கொண்டுதான் உள்ளது என்று கூறுகிறது!!http://committeetoprotectbloggers.org/about/committee-members/.

 Mr Andrew Ford Lyons, என்ற பிளாகர்களைப் பாதுகாக்க உள்ள  அமைப்பு உறுப்பினர், பிளாகர்கள் எச்சரிக்கையுடன் பதிவிட வேண்டும் என்றும் .

.

ஒவ்வொரு நாட்டிலும் பிளாகர்களுக்குப் பாதுகாப்பு அளிக்க கமிட்டியால் இயலாது, ஆயினும் பிளாகர்களின் பாதுகாப்புக்காக அமைப்பும் சர்வதேச பிளாகர்களும் குரல் கொடுத்துக்கொண்டுதான் இருப்பார்கள் என்றும் கூறுகிறார்.

அதே சமயம் நவீன தொழில் நுட்பத்தைப் பயன்படுத்தி சிக்கலான, மக்களுக்கு விழிப்புணவூட்டும்  விசயங்களை எழுதும் பிளாகர்கள் அவர்களின் முகவரியைக் கண்டுபிடிக்காமல் இருக்கும் வழிமுறைகளைக் கடைப்பிடிக்க வேண்டும் என்று இந்த அமைப்பு வலியுறுத்துகிறது.

உண்மையைத் தைரியத்துடன் வெளியிடும் துணிவு பாராட்டப்பட வேண்டியதுதான், அதே நேரம் அவதூறாக,பொய்யாக எழுதுவதையும் தவிர்க்க வேண்டும்!

பிளாக் என்பது போன்ற சமூக தொடர்பு சாதனங்கள் செய்தி, மக்கள் தொடர்பில் ஒரு புரச்சியை ஏற்படுத்திவருவது மறுக்க முடியாத உண்மை. முன்னெப்போதும் இல்லாத அளவுக்கு பிளாகுகள் மக்களின் கவனத்தைக் கவர்ந்து வருகின்றன.

2004 அமெரிக்க தேர்தலிலேயே பிளாகுகள் முக்கியமான கொள்கை விளம்பர சாதனமாகப் பயன்படுத்தப்பட்டன. அரசியல்வாதிகள் இதனை மக்களுடன் தொடர்புகொள்ளும் மிகச் சிறந்த சாதனமாக உபயோகிக்க ஆரம்பித்துவிட்டார்கள்.

2005ல் ஆப்பிள் கம்பியூட்டர் நிறுவனத்தின் இரகசியமான வியாபாரத் தந்திரங்களை சில கலிபோர்னிய பிளாகர்கள் வெளியிட்டனர். இந்த பிளாக் பற்றிய செய்திகளை செய்தித்தாள்கள் வெளியிட்டன. ஆப்பிள் நிறுவனம் அந்த பிளாகர்கள் மேல் வழக்குத்தொடுத்தது!! ஆயினும் பிளாகர்கள் ரிப்போர்ட்டர்களாக தங்களைக் கருதி ரிப்போர்ட்டர்களுக்கு வழங்கப்படும் எழுத்து சுதந்திரம் பிளாகர்களுக்கும் வேண்டும் என்று போராடினார்கள்.

பிளாக் என்பது ஒரு பொறுப்பு மிக்க பொதுத் தொடர்பு சாதனமாக மாறிவிட்டது. பிளாகில் இவ்வளவு நடப்பது பிளாகர்களாகிய நமக்குப் பெருமையே!!

டிஸ்கி: இந்த இடுகையைப் படித்து விட்டு உள்ளூர் அரசியல் ஆசாமியிடம் போய் அவருடைய பிளாக் முகவரியைக் கேட்டுவிடாதீர்க்கள்!!இஃகி! இஃகி!!