தூக்கம் போச்சுதே- சமீரா ரெட்டி!!

சமீரா ரெட்டி- அடிக்கடி ”கோடம்பாக்கம் வாடகைக்கு எடுக்கும் வானவில்,வடக்கிலிருந்து தெற்கு நோக்கி வீசும் தென்றல்”

என்றெல்லாம்  கவிதை கணக்கா எழுதினால் “ என்னைய்யா!! எழுதுகிறாய் நீ?” என்று பின்னூட்டப் பிதாமகர்களின் தாக்குதல் ஒரு பக்கம்; மருத்துவப் பதிவாகப் போட்டால் மருந்துக்கு பிளாக் பக்கம் வருபவர்கள்கூட ”வழக்கம்போல் நல்ல பதிவு” என்ற  டெம்பிளேட் பின்னூட்டம் போட்டு விட்டு ”கொல்றான்யா இவன்” என்று ஓடி ஒளிந்து கொள்கிறார்கள்…..  என்ன செய்வது? . சரி நம்ம எழுதுகிறபடி எழுதுவோம் என்று முடிவெடுத்து எழுத ஆரம்பித்து விட்டேன்.  

நம்ம சமீராரெட்டிக்கு சோம்னாம்புலிசமாம்! கேட்டதிலிருந்த நமக்குத் துக்கமே போச்சுங்க!! சோமனாம்புலிசம்னா என்னன்னு கேட்கிறீர்களா? அதுதாங்க தூக்கத்தில் நடக்கும் வியாதி! அடக் கொடுமையே! என்று அங்கலாய்க்கிறீர்களா? என்ன செய்வது? விதியும் வியாதியும் யாரை விட்டது?

அதுவும் சமீரா கண்ணைத்திறந்து கொண்டே தூக்கத்தில் நடப்பாங்களாம். சமீரா குழந்தையா இருக்கும்பொதே (ஹார்லிக்ஸ்தான் குடிச்சாங்களாம்!!! ஹி! ஹி!!) தூக்கத்தில் நடக்கும் வியாதியாம்… பின்னாடியே அம்மாவும் அப்பாவும் தூங்காமல்…..

• 1-15% பேர் இந்த வியாதியால் பாதிக்கப்பட்டுள்ளனர்.
• 4 லிருந்து 8 வயதுவரை இதன் வேகம் அதிகமாக இருக்கும்.
• இந்த வியாதி வருவதற்கான காரணங்கள் இவைதான் என்று இன்னும் அறியப்படவில்லை.
• தூக்கத்தில் நடக்கும் வியாதியுள்ளோர் பகலில் எல்லோருடனும் நன்கு கலந்து பழகுவர்.
• தூக்கத்தில் நடக்கும்போது என்ன செய்கிறோம் என்பது பாதிக்கப்பட்டவருக்குத் தெரியாது.
• தூக்கத்தில் நடப்பது 30 நொடியிலிருந்து 30 நிமிடம் வரைகூட நீடிக்கும்.
• நடப்பதுடன் வீடு கூட்டுதல், பாத்ரூம் கழுவுதல், சமையல் செய்தல் ஆகியவைகூடச் செய்வார்கள்.
• அவர்கள் தற்கொலைகூட செய்துகொள்வர்.
• தூக்கத்தில் இவர்கள் கொலை செய்தால்கூட அது குற்றமாகக் கருதப்படமாட்டாது.

 

சமீராவுக்கு வைத்தியம் பல செய்தும் இன்னும் வியாதி தீரலையாம்.

பேய்ப்படப் படப்பிடிப்பில் இவர் ஒருமுறை நடு இரவில் நடந்து போக மொத்த யூனிட்டும் பயந்து அலறியதாம்- அட உண்மையாத் தாங்க சொல்கிறேன்.

அது போக சமீரா வீடற்ற குழந்தைகளுக்காக இயங்கும் அமைப்பிலும் பங்கு கொள்கிறார். அந்தக் குழந்தைகளுடன் சமீராவின் படங்கள் கீழே!!

Sameera Reddy the Brand Ambassador of Dreams Home NGO at Bandra

http://www.desihits.com/news/view/photos-sameera-reddy-visits-dreams-home-ngo-in-mumbai-20100421

வியாதி இருந்தாலும் என்ன வாங்க ஜெயிக்கலாம் என்கிறார் சமீரா!! வாங்க நாமும் வெல்லலாம்!