சிட்னியில ’சுறா’! த்ரிஷாவின் டாட்டூ!!

”சுறா படம் பார்த்து விட்டீர்களா?  படம் ஹிட்டா? “- இதே கேள்விதான் சுறா படம் ரிலீஸானதிலிருந்து. விஜய் படம் என்றாலே ஒரு கையில் கத்தியுடனும் மறு கையில் பேனாவுடன் என் நண்பர்கள் தயாராக இருப்பீர்கள் என்று எனக்குத் தெரியும்.

இந்தப் படம் விஜய் மிகவும் எதிர் பார்க்கும் படம். இது கையைக் கடித்துவிட்டால்?

சரி மேட்டருக்கு வருவோம்.1935 ஏப்ரல் 8 ம் தேதி ஆஸ்திரேலியா சிட்னியில் ஜேம்ஸ் ஸ்மித் என்பவர் காணாமல் போய் விட்டார். அவர் காணாமல் போன 14 நாட்கள் கழித்து பிடிக்கப்பட்ட ஒரு சுறா மீன்  மீன் காட்சியகத்தில் வைக்கப்பட்டது.  அந்த சுறா கடலில் ஒரு மனித கையை விழுங்கி இருந்தது, பிடிபட்ட பின் அதனை அது மீன் காட்சியகத்தில் கக்கி விட்டது.

அந்தக்கையானது உடலிலிருந்து ஒரு கூரான கத்தியால் அறுக்கப்பட்டது போல் காணப்பட்டது.

காணாமல் போன ஜேம்ஸ் ஸ்மித் ஒரு குத்துச்சண்டை வீரர். அவர்  புஜத்தில் இரு வீரர்கள் குத்துச்சண்டை போடுவது போல் பச்சை குத்தியிருந்தார்.

கையைப் பார்த்த அவர் மனைவியும் தம்பியும் அது ஸ்மித்தின் கைதான் என்பதை உறுதி செய்தனர்.

அவர் கொலை செய்யப்பட்டு கடலில் துண்டுகளாக அறுத்து வீசப்பட்டது கண்டு பிடிக்கப்பட்டது. கொலை செய்தவன் உடலை யாரும் அடையாளம் கண்டு விடக் கூடாது என்பதற்காக துண்டங்களாக சுறாக்களுக்கு இரையாக்கினாலும் கடைசியில் கையில் குத்தப்பட்ட பச்சையால் உடல் யாருடையது என்று கண்டு பிடிக்கப்பட்டு விட்டது.

• டிஸ்கி: பதிவுலக யூத்துகளுக்கு: 1.டாட்டூ மோகம் இளைஞர்களைப் பிடித்து ஆட்டுகின்றது என்றும் கண்ட இடங்களில் குத்திக் கொள்கிறார்கள் என்றும் பக்கத்து வீட்டு அம்பி ரொம்ப வருத்தப்பட்டான். அவன் கிடக்கிறான். யூ ராக் ரெமோ!!
• 2.பொது அறிவுக் கேள்வி:த்ரிஷாவுக்கு எந்த இடத்தில் பச்சை குத்தப்பட்டுள்ளது?  என்ன படம் பச்சை குத்தப்பட்டுள்ளது?

தேவா…