வேட்டைக்காரன்!!

அன்பு நண்பர்களே!!

நேற்றிரவு வேட்டைக்காரன் படம் பார்க்கும் சந்தர்ப்பம் அமைந்தது! ஒரு படம் கலைப்படமா இல்லை பொழுதுபோக்குக்காக எடுக்கப்பட்டதா என்பது ஒரு படத்தைப் பார்க்கப் போகும் முன் நாம் தெளிவுபடுத்திக் கொள்ள வேண்டும்.

அந்த விதத்தில் இது ஒரு பொழுதுபோக்குப் படம்.  அந்த மன நிலையில் இந்தப் படத்தைப் பார்க்கச் சென்றதில் எனக்குத் தோன்றியவை.

1.விஜய் ஒரு சூப்பர் ஸ்டார் என்று காட்ட டைரக்டர் ஏகப்பட்ட பில்டப் கொடுத்து மிகவும் பிரயாசைப்பட்டிருக்கிறார். இது நாம் ரஜினி உட்பட எல்லா ஆக்‌ஷன் ஹீரோக்களுக்கும் நமது இயக்குனர்கள் விரும்பினாலும் விரும்பாவிட்டாலும்  கொடுத்தாகவேண்டிய கட்டாய ஃபார்முலா!! உங்களிடமோ என்னிடமோ இப்படி ஒரு படத்தை டைரக்ட் செய்யக் கொடுத்தால் இன்றைய ட்ரெண்டில் இதைச் செய்தாக வேண்டும். இல்லையென்றால் படத்திலிருந்து நம்மைத் தூக்கிவிடுவார்கள்!!

2.ஒரு வணிகப் படத்தில் விஜய் இந்தப் படத்தில் செய்திருப்பதைவிடச் சிறப்பாகச் செய்ய வழியில்லை.

3.படத்தில் விஜய் காஸ்ட்யூமில் இன்னும் அக்கரை காட்டி இருக்க வேண்டும். சில இடங்களில் சட்டைக்குப் பொருந்தாத காட்டன் கால்சட்டைகள் பொருந்தவில்லை.

4.கதாநாயகி கட்டாயம் வேறு ஒருவரைப் போட்டிருக்கலாம். முகபாவனைகள் தமிழ் செண்டிமெண்டுக்கு ஒத்துப் போகவில்லை.

5.காதல் சம்பவங்களை இன்னும் ரொமாண்டிக்காகப் பின்னியிருக்கலாம்.

6.படத்தில்  வன்முறை மிக அதிகமாகக் கையாளப் பட்டுள்ளது. இது தற்போது எல்லாத் தமிழ்ப்படங்களிலும் காணப்படும் விரும்பத்தகாத ஒன்று.

7.ஒரு நல்ல  போலீஸ் அதிகாரி போலீஸ் துறையினரின் உதவியுடனேயே தன் குடும்பம், கண் பார்வை இழப்பதும், குடும்பப் பெண்கள் ரவுடி செல்லாவால் கற்பிழப்பதும் நம் சமூக அமைப்பில் சாதாரண மக்கள் மற்றும் நல்ல போலீஸ் அதிகாரிகள்  மதிப்புடன் வாழ முடியாதோ என்ற அவ நம்பிக்கையை ஏற்படுத்துகின்றன.

8.எல்லாத் தமிழ்ப்படங்களிலும் காட்டப்படும்- டிட் ஃபார் டாட் வகை வில்லன் ஹீரோ பழி வாங்கும் ஃபார்முலா நிகழ்ச்சிகள் இந்தப் படத்திலும் கையாளப் பட்டிருப்பதால் அடுத்து என்ன செய்வார்கள் என்பதை படம் பார்க்கும் நாம் கணிக்க முடிகிறது.

9.படம் முடிந்தவுடன் என் மகன் சொன்னது” அப்பா!! படம் சூப்பர்! ஹிட்டுதாம்பா”.

நான் ரஜினி கமலிடம் நிற்கமாட்டேன்!!

ரஜினி கமல் இருவரும் தமிழ்த்திரையுலகின் முக்கிய நடிகர்கள் என்பதை யாரும் மறுக்க முடியாது.

இருவரையும் வைத்துப் படம் எடுப்பது பற்றி பலரும் பேசிவருகிறார்கள். முயற்சியும் செய்கிறார்கள்.

ஆனால் யாருக்கும் இதுவரை அந்த சந்தர்ப்பம் கிட்டவில்லை. ஆமா!! அது பெரிய விசயங்க.

ரஜினி கமல் இரண்டு பேரையும் வைத்து எடுக்கும் தயாரிப்பாளராகட்டும், இயக்குனராகட்டும் பெரும் பணம் சம்பாதிக்கப்போவது உறுதி. இது நம்ம நடிகர்களுக்குத் தெரியாதா என்ன? அதனால் இதில் பெரும் தயாரிப்பாளர்களும், டைரக்டர்களும் முயற்சி செய்து  வருகிறார்கள்.

கமலை வைத்து தசாவதாரமும், ரஜினியை வைத்து படையப்பாவும் தந்து வெற்றிகரமான் இயக்குனராக இருப்பவர் கே.எஸ்.ரவிக்குமார். இரண்டு பேரையும் சமாளித்துப் படம் பண்ணும் திறமையாளர்களில் இவர் முன்னணியில் உள்ளார்.

நல்ல கதையும் சந்தர்ப்பமும் அமைய வேண்டும் என்று இரு நடிகர்களும் தப்பித்துக்கொண்டுள்ள சமயத்தில் டைரக்டர்.ரவிக்குமாரிடம் இதைப்பற்றிக்கேட்ட போது” ரஜினி,கமல் இருவருக்கும் சேர்ந்து நடிக்கும் எண்ணம் இல்லை.  யாராவது சரியானமுறையில் தூண்டிவிட்டால்தான் இது நடக்கும். அப்படியே நடக்கும்பட்சத்தில் அந்த பட்ஜெட் தாங்கக்கூடிய தயாரிப்பாளர்  வேண்டும்.”

”என்னைய விட்டு விடுங்க! நான் அவர்களிடம் போய் படம் செய்யுங்க என்று நிற்க மாட்டேன்.நான் ஏதோ பணம் பண்ண ஆசைப்பட்டு வருவதாக சொல்வார்கள்” என்று தப்பித்துவிட்டார் கே.எஸ்.ரவிக்குமார். திரையுலகம் புத்துணர்ச்சி பெற இத்தகைய முயற்சிகள் தேவை. மலையாளப் பட உலகில் மம்முட்டி,மோகன்லால் எல்லாம் சேர்ந்து நடிப்பது சாதாரணம்!!

நம் தமிழ்ப் பட உலகில் இது சாத்தியப்படவில்லை!! ஏன்?

ரசிகர்களின் இந்தக் கேள்விகளுக்கு யார் பதில் சொல்லப் போகிறார்கள்?

தமிழ்த்துளி.தேவா.

தி நைட் அட் தி மியூசியம்-2 பேட்டில் ஆஃப் ஸ்மித்சோனியன்!!

அன்பின் வலை மக்களே! இது ஒரு இன்னும் வெளிவராத ஆங்கிலத்திரைப்படம்!!

பெஞ்சமின் எட்வர்ட் ஸ்டில்லர் என்ற பென் ஸ்டில்லர் நடிக்கும் படம்.

இந்தக்கதை ஸ்மித்சோனியன் இன்ஸ்டியூசனில் நடைபெறுகிறது!! இங்கு உலகின் மிகப்பெரிய மியூஸியம் உள்ளது!!அதாவது 19 மியூஸியங்கள் இந்த நிறுவனத்தில் உள்ளன!!, உயிரியல் பூங்கா,9 ஆராய்ச்சிக்கூடங்கள் இதில் உள்ளன. 136 மில்லியன் பொருட்கள் சேகரிக்கப்பட்டுள்ளன இந்த மியூஸியத்தில் என்றால் பாருங்கள்!! இது அமெரிக்காவில் வாஷிங்டனில் உள்ளது!!1846 ஆகஸ்ட் 10 ம் தேதி இது தோற்றுவிக்கப்பட்டது!! இந்த மியூசியத்தில் அமேலியா ஏர்ஹார்ட்( படத்தில் அமி ஆடம்ஸ்) அட்லாண்டிக் கடலை கடந்த பழைய விமானமும் உள்ளது!

படத்தில் இந்த மியூஸியத்தின் பாதுகாவலராக பென் ஸ்டில்லர்( படத்தில் லாரி,LARRY) வருகிறார். இந்த மியூஸியத்திலுள்ள கெட்ட சக்தியான எகிப்திய ஃபாரோ காமுன்றா(Kahmunrah, an evil Pharaoh) உயிர் பெறுகிறது!! மந்திரசக்தியால் இந்த மியூஸியத்தில் உள்ள பழைய சிலைகளான தியோடர் ரூஸ்வெல்ட்,டெக்ஸ்டர் ஆகியவையும் புதியவைகளான அல்கபோன், ஜெனரல் கஸ்டர் ஆகியோரும் உயிபெறுகின்றனர்!!இந்தக்குழுக்களுக்கு இடையே ஏற்படும் பிரச்சினைகள்தான் கதை!!

நம் நாயகன் லாரி(பென் ஸ்டில்லர்), அமீலியா ஏர்ஹார்ட்டுடன் காதலும், இருவரும் சேர்ந்து மியூசியத்தை பழைய நிலைக்குக் கொண்டு வருவதும் கதையின் மீதி!!!

பென் ஸ்டில்லர் அஜித் மற்றும் இந்திய நடிகர்போல் அழகன் அல்ல! காமெடியனாக பல படங்களில் நடித்துள்ளார்.தயாரிப்பாளர் மற்றும் இயக்குனராகவும் இருக்கிறார். இவருடைய படங்கள் $1.95 பில்லியன் சம்பாதித்துள்ளதாம்.

அமீலியா ஏர்ஹார்ட்டாக வரும் அமி ஆடம்ஸ்

கலக்குவார் என நினைக்கிறேன்!! இந்தப்படம் இந்தமாத இறுதியில் திரைக்கு வருகிறது!!

என்ன படித்துவிட்டீர்கள்!!

ஓட்டளிக்க தமிலிஷ்,தமிழ்மணம்!!

தேவா..

NIGHT AT THE MUSEUM 2: BATTLE OF THE SMITHSONIAN: Movie Trailer - Click here for more home videos

நகுல் சுனைனா காதல்?

காதலில் விழுந்தேன் என்ற படம் தாறுமாறாக ஓடி நகுல் என்ற அசத்தல் ஹீரோவை முதல் படத்திலேயே பிரபலமாக்கியது!!

அந்தப்படத்தில் சுனைனா நகுலின் ஜோடியாக நடித்திருந்தார்!!

ஃபார்முலா திருடர்கள் அதிகம் உள்ள நம் கோலிவுட்டில் விடுவான்களா? ரெண்டு பேரையும் புக் பண்ணி அதே மாதிரி கதையை செட் பண்ணி மாசிலாமணின்னு புதுப்படம் ரெடிபண்ணிவிட்டார் ”கல்பாத்தி அகோரம்”.

ஃபார்முலாப்படி ரெண்டு பாட்டு ஸ்விஸில்!! கதை என்னவா? கலாஷேத்திராவில் படிக்கும் பணக்கார சுனைனாவை சராசரிக்கும் கீழே உள்ள குடும்பத்தை சேர்ந்த நகுல் காதலிக்கிறாராம். காதலிக்கிறவரைக் கைப்பிடிப்பதுதான் கதை!!  ஒன்னு சாகனும்!! இல்லாட்டி சேரனும் !! கதை எவ்வளவு சிம்பிள் பார்த்தீங்களா?மாசிலாமணி பட இயக்குனர் ஆர்.என்.ஆர்.மனோகர்.

இந்த வாய்ப்பை சுனைனாவுக்கு வாங்கி கொடுத்ததே நகுல்தான் என்று கோலிவுட் பட்சிகள் கூவுதுங்கோ!!வழக்கம்போல “சுனைனா நல்ல நண்பர்” என்கிறார் நகுல்!!( சுனைனா நைனாவுக்குத் தெரியுமா? கண்ணு).  நான் லவ் பண்ணுவது என்னுடைய கேரியரைத்தான் (டிபன் கேரியரா?) . இப்ப்த்தான் வளர்ந்துவருகிறேன்!! நோ டூ லவ் என்கிறார்!! பார்ப்போமே!!

சில ஸ்டில்ஸ்: மாசிலாமணி

 

http://www.chennai365.com/news/masilamani-movie-photo-gallery-2/ படங்கள் பதிவேற்றினாலும் பதிவில் வில்லை ஆகையால் லின்கில் பார்த்து மகிழவும்!!பாத்தாச்சா?

ஓட்டிடுக!! தமிலிஷ், தமிழ்மணம்!!

இன்னும் வராத அதிரடி திரைப்படம்!!

X-Men Origins: Wolverine Trailer - Funny bloopers R us

அன்பின் நண்பர்களே!!

அடுத்த மாதம் திரைக்கு வரப்போகும் அதிரடி திரைப்படம் “எக்ஸ் மென் ஆரிஜின்ஸ் வொல்வரின்” திரைப்படம்!!

சமீபத்தில் அதன் வீடியோ ட்ரைலர் வெளிவந்து “அதிகம் பார்க்கப்பட்ட விடியோவாக உள்ளது!! 

நீங்களும் ரசிக்கவும்!!!